Khumulwng Eco Park : 75th Vanamahotsava west zone Tripura ni TTAADC palaikha

by Gobin Debbarma - Jul 25, 2024 1:36 PM

Srangsalo Khumulwng Eco Park o 75^th Vanamahotsava ter palaikha. Pandao lukurogno eba swrwngnairogno kwbangkhe kuthumani nukjakha. Naharmung bolong mwthangmung tei tongkhor no twiwi hojak khwlaimung.

TTAADC bolong bedekni bwkhaktwi luajijak o pandano chengnani swkangni Khumulwng Eco Park o buphang kaiwi Nuai Hallo chati sogwi chengwi rwkha EM Suhel Debbarma, EM Rabindra Debbarma, MDC Ganesh Debbarma ni yak romwi.

Koklam pandao kok naragwi EM Suhel Debbarma sakha, Phangsa buphang tankhe phangnwi buphang kaithai chwng. Abono karwibo swrwngnairogno sawi khwnarwkha norogni bijab porithani tongkhorno twiwi kahamkhe swijak tongo hwnwibo sakha.

Tei khaksa bwkhak EM Rabindra Debbarma sakha, Buphang phangsa hinkhe borok khoroksani langma. Aboni bagwi buphang chini langmao belai nangsugo hwnwi.