Thwi rwnani bagwi chwng swkangwi phaithai : Maharani Tulshibati welfare trust ni bisingtwi thwi rwmung sibir
Srangsalo Tripura Shaheed Bhagat Singh Youth Hostel o thwi rwmung sibi khwlaikha Maharani Tulshibati welfare trust. A salo Agartala kwbangma hostel ni rwngswrwngnai tei kami amchaini baksa baksa tong kosong lukurog kwrwngkha.
Bharat ni mantri bokhorok Narendra Modi philsnichibrwi achaima salno rwksawi thwi rwmung sibir akorogbo khwlaijakha.
Kok narwkna thangwi Trust ni President Bipin Debbarma sakha, thwini mungsa tongthar kwrwi, thwi abo bororok ni langmao belai nangsugo. Aboni bagwi thwi rwthani mungsa kirina kwrwi hwnwi tongkosong lukurogno koikha thwi rwnani bagwi.
Pandao Tripura CM Dr. Manik Saha sakha, salka babai hasteni dalbidal jwngjal tongmarog jotono tongkwchang khwlaiwi toninani bagwi Bharat ni mantri bokhorok Narendra Modi yapri naharjak. Bwskangni salo teibo kaham kwchwng wngnai Tripura. Laiwi thangjak jora 2018 bisio Tripura je kok samani abono khwlaiwi tongo Narendra Modi.
Teikhaksa bwkhak alaida khwlaiwi Bharat haa kotorni lukurogni kokno wansugwi Maan Ki Baat pandabo chwng salbrum khwnalaiwi tongo. Aroni bisingtwi chwng kokbiti tei kaham samung akorog yachagwi mano.
