Tripura Royal Dynasty mung gwnang khorokdok ni mangthong nugwi manai Khumulwng berailwngo
Khumulwng berailwngo laibumano rwksawi bubagra molbai kitingjak khorokdok mung gwnangrogni mangthong swnamwi tisajakha naithothok khe.
Daktino o samung humungrog pairwnani bwkhak thangwi tongo. Koktwma sawi mankha o maising molni bisingono tongkosong lukurogno abono nugwi manai.
TTAADC haphang twrwk twrwk laibuma no rwksawi kwmajak laibumano hainohai kiphilwi molbrum ni tongkosong lukurogni khao tonina bagwino o yapri hwnwi koktwma.
Mangthong ni bisingo tongo :
1. Maharaja Birendra Kishore Manikya
2. Maharani Tulsibati
3. Maharaja Bir Bikram Manikya
4. Maharani Kanchan Prabha Devi
6. Legendary Musician Sachin Dev Barman
Khursathai kwlai, TTAADC haphang bwskangni salo teibo hamkrai ni yapri naharwi samung khwlaiwi tei thinango teibo kwmajak abohai dopha ni bagwi samung khwlainairogno borom rwui teibo yapri naharjaknai.
