Zoawi Kut Festival ‘Unity through Music’ Northeast Mizoram o songsajakha panda: naharmung thansa tongnani rwchapmungni bisingtwi
Zoawi Kut festival 2023 Mizoram Art & Culture Minister Pu R Lalzirliana phiyogwi rwkha. O festival nokha salnwi romwi khwlaijakha tei panda songsajakha Dawrpui Multipurpose Centre Aizawl.
Kokthum sawi mankha Zoawi Kut Festival songsajakmani taklaino puila. O panda ni naharmung rwchapmung mwsamungni bisingtwi thansakhe tongnani. O festival o northeast ni kaichar hasterog simino kwrwngjak phiya Manipur haste simi aro kwrwngwi manliya.
Tripura ni wngwi puila Zoawi Kut Festival 2023 kwrwngkha Yarwng Musical Bodol ni rwchapkwrwng Rumi Murasing(Actress). A salo jotowi tangnwi rwchapmung rwchapkha Rumi. Abono karwino Rumi Murasing Tripura no karwino phatar haa kotor Bangladesh show khwlaijak. Rumi sakha, abohaikhe chini Northeast Mizoram ni Zoawi Kut Festival 2023 kwrwngwi belai khatungmani kokbo sakha. Tei khaksa bwkhak o festival o Tripura ni belai sinijak Reang Dance Performance khwlaikha hwnwi kokthum.
Zoawi Kut festival thumasakhe North Eastern Council’s(NEC) Art & Culture Department, Mizoram Government, and Mizo Zaimi Inzawmkhawm Pawl khwlaijakha o panda.
