19th College Foundation Day : Inauguration khwlaikha open Gym, Park tei Badminton Court
Kraksalo Tripura Medical College tei Dr Bram Teaching Hospital ni luajimungbai philchichuku College Foundation Day palaikha. A salo phiyokjakha Open Gym, Park tei Badminton Court.
Phiyokmungni pandao Tripura CM Dr. Manik Saha yak romwino chengsawi rwkha. Belai khatung khaja ni bisingtwi o yapri naharjakha.
Koklam o CM Saha sakha, bwskangni salo Tripura ni bemar wngjakrogni kokno wansugwi naikhe belai wanamasinsa. Bisi kwdwma romwi belai hamsukya bemar no phatar hasteo rohorwi samung khwlaina nango eba sakham kaham khwlaiwi kiphiwi phailaio.
Phiya tabuk ni haphang phaimani ulo aswk abohairog nukjakliya. Aboni bagwi Tripura haphang sakham ni bwkhak naisigwi tongo bahai sakhamya wngjakrogno Tripura o no hamrwui man tei thinango Tripura o no sakhamni sep sab joto manatwi khwlainai eba khwlaisoknai.
A salni koklam pandao teibo sakha, sal kisa swkang watwini kobolmungo kwlaiwi Tripura haste belai jwngjalo kwlaikha hwnwibo khursawi sakha CM.
Manjakha sakham bedekni kuchuk bedekni samung tangnairogno khobwi nangkukjak adongrog.
