Merit Award cum Freshers Meet program kwrwngkha Tripura ni Co-Operative Minister Sukla Charan Noatia
Koktisalo Tripura ni Belonia Sachin Debbarma hallo Society for Welfare of Mog Students (SWMS) ni luajimungbai swrwngnairogno sokat yapharma panda khwlaikha. Pandao kwrwngkha Tripura ni Co-Operative Minister Sukla Charan Noatia.
A salo swrwngnairogno kwbangkhe kwrwngmani nukjakha. alaida khaiwi o pandao kwrwngwi Minister Sukla khatungmungni kokno khursawi sakha social media o.
Khursathai kwlaio abohai panda bisi brum brumno yapri naharjago tei thinangobo naharjaknai hwnwi sakha Society for Welfare of Mog Student ni twidulnai.
Minister a salo swrwngnairogno merit awardbo yapharkha tei thinango swrwngmungno teibo kahamkhe swrwngnani kokbo tisakha.
