Cultural, Literary tei Kala Utsav Tripura palaikha : manjakha TWM Bikash Debbarma
Sangrongsalo Tripura hasteni philba EMRS ni Cultural, Literary tei Kala Utsav palaikha. Abohai panda bisi brum brumno khwlaijago.
A salo koklamo khung dok Eklavya Model School ni swrwngnairog panda kwrwngkha. O pandani naharmung wngkha bahaikhe swrwngmungni logi logi rwchap-mwsamungo gwdalrwui man tei swrwngthan tei kha krak khwlainani bagwino o yapri hwnwi sakha TW Minister Bikash Debbarma.
Abono karwibo bwskang 30th September ni bisingo joto school thwgwino thwngmungni manwi khwnwirog thangwi sogwinai hwnwibo sakha montri.
O panda Tribal Welfare Department ni luajimungbai songjakha. Manjakha kwrwngjak bedekni samung tangnairog.
