Ek Ped Maa Ke Naam : BBM college campus buphang bwsa kaimung
Bir Bikram College Campus kraksalo kaisa buphang bwsa kaimani panda khwlaikha. O panda Tripura tabukni Rajya Sabha ni adong Rajib Bhattacharjee manjakha.
A salo rwngyung ni swrwngnairog pandao kwbangkhe kwrwngmani nukjakha. kokbothoma wngkha Ek Ped Maa Ke Naam.
Teikhaksa bwkhak alaida khwlaiwi buphang chwng belai kainani nango tangwi hinkhe tabuk oh jora belai tongkhor hamya eba nobar hamya sibsajak. Aborogno hakchal khwlainani bagwino o yapri eba buphang bwsa kainani nango hwnwi sakha Rajib Bhattacharjee.
Pandani tangbwtango Rajya Sabha ni adong Rajib Bhattacharjee PM Narendra Modi achaimani salno rwksawi dalbidal khwlaiwi hasteo Swachh Bharat Abhiyan yapri naharjagwi tongo hwnwibo sakha.
Manjakha rwngyung ni ojamasongno khobwi tei hoda hamkraini samung tangnairog akosong.
