Plastic mukta Tripura abhijan yapri Tripura haphang
Chasalo kaisa pandani bisingtwi Plasticbai hakchal khwlainani luajimung naharkha Tripura haphang. A salni panda khwlaijakha bugrakhorni Town hallo. Pandani kokbothoma wngkha Tripura Plasticbai hakchal khwlainani.
Plastic Mukta Tripura Abhijan Tongkhor kaham khwlaiwi toninani hodao eba agulio abo belai nangsugo. Abono karwibo plastic no muthupna bagwi kwbangmano yapri naharjakha. Bwskangni salo daktino teibo krakhe yapri naharjak hwnwi sakha Montri.
A salni pandao plastic no hakchal khwlaina bagwi kwbangma wah ni manwi khwnwi tei abono bahaikhe samungo phwnangnai aborogno twiwibo koklam sawi khwnarwkha. Teibo nangkukjak koklam wngkha plastic no chwng hakchal khwlaiwino mano hwnwibo sakha montri okra Manik Saha.
Pandao manjakha montri okra Dr. Manik Saha no khobwi tei kubuni samung tangnairog. Tongo rwngnokni swrwngnai swrwngnaijwk no khobwi hodani sijak nukjakrog.
