Salnwi romwi Kokborok dalbidal hamkrai no twiwi koklam achuklaikha kwrwngjak bedekni samung tangnairog
Srangsalo Saheed Bhagat Singh Youth Hostel o nokha salnwi romwi Kokborok amjokmungni hamkrai tei sirisitini Tiprasarogni thwngmungno twiwi bahaikhe thinango samungo phwnangwi man aborog no twiwi kok salaikha.
A salni koklam pandao Ananda Hari Jamatia( Director Kokborok Language and others Community) sakha, bwskangni salo Kokborok ni Blue Print, Model Question, Question Pattern(CBSE tei TBSE), Teaching Method Grammar tei Tripuri Sport and Games akorogno bahaikhe bwskang ni salo o kwmajak manwi khwnwi khatiwi toniwi man aborogno twiwino krakhe koklam salaikha.
Alaida khwlaiwi bwskangni salo Tripura haphang teibo bahaikhe Tiprasa kami amchairogo hamkrai rwui man aborogno twiwi yapri naharjak hwnwibo sakha kwrwngjak bedekni samung tangnairog.
