Tiprasa hamkrai montri Bikash Debbarma : Tripura Hokutwisa ST Girls Hostel phiyogwi rwkha montri
Koktisalo Tripura Dhalai hangkhorni bisingo khobjak Hokutwisa ST Girls Hostel Borok International School no phiyogwi rwkha Tiprasa hamkrai montri Bikash Debbarma. Sawi mankha jotowi kaibachi thuyam gwnang school no manwi khatunglaijak rwngnokni swrwngnairog.
Koklamo montri sakha tabukni BJP Haphang jeswk mansak Tiprasa kami amchairogo bahaikhe rwng swrwngmung teibo kaham khwlaiwi tisawi man ayang bwkhak naisigwino yapri sewi tongo hwnwibo sakha.
A salni pandao tongo MDC Sanjoy Das, TWD Dhalai District Tribal Welfare officer, Housing community chairman Shri Bahadur Rupini , Social worker Daniel Debbarma no khobwi tei kubuni samung tangnairog.
