Tiprasa Hamkrai montri Bikash Debbarma TTAADC ni ITI College o thangwi naikha

by Gobin Debbarma - Jul 6, 2023 11:01 PM

Srangsalo atomsa TTAADC ni ITI college o thangwi naikha Minister of Tribal Welfare Bikash Debbarma. A salo salbrum brumni haikhe panthoro nongkhormani. 

Tripura ni kaichar hangkhorni bisingo joto ITI College tongo songchichuku(19). Aboni bisingo TTAADC ni kaisa 6^TH Schedule area o belai nangkukjak ITI College. Kokthum o sawi mankha tabuksak jora o college o kaichuku department phwrwngmung rwjagwi tongo.

Tei khaksa bwkhak o ITI College no bahaikhe tei hamkrai tubuwi man tei aroni jwngjal tongmani kokrog naharkha aroni faculty tongnairogni bisingtwi. A salo montri sakha, O ITI College ni bisingtwi kwbangma sikla siklarogni langmano swlaimung tubuwi mano ayang bwkhak naisigwi yapri sejaknai teibo hwnwi sakha.

A salo logi tongo kuchuk beremni samung tangnairog tei tongo TTAADC ni CEM Purna Chandra Jamatia, Ananta Debbarma no khobwi tei kubuni adongrog.