Tripura Haphang: Thinang ni kokno khorogo wansugwi phwrwngmung eba swrwngmung no twiwi yapri naharwi tongo
Kaham swrrwngmung mankhe kese kherengni yakni hoda swlaijagwi thango. Aboni bagwi kaham phwrwngmung belai nangsugo phwrwngkhoro. Je haa kotor kuchuk berem o sogwijak ah haa kotorni belai kaham swrwngmung manjak. Tripura haphang ayang bwkhak naisigwi yapri sewi tongo.
Tripura haste Mohanpur remchinwi rwngnok ni nokhwlaio swrwngnairogno khobwi buma buphasongno logio twiwino koklam panda khwlaijakha. a salni pandao ojama okra wngwi manjakha Tripura hasteni Hukbar mantri Ratan Lal Nath. Pandao manjagwi mantri sakha, bwskangni salo chini o rwngnokni swrwngnairogno thinangni chati. Abono karwibo a salo rwngnokni swrwngnai tei swrwngnaijwkrogno sokat akorogbo yapharjakha.
Pandao manjakha Mohanpur Pura Parishadni Chairmen Anita Debnath, Vice Chairmen Sangkar Deb no khobwi kubuni samung tangnairog.
