Tripura ni Kaichar hangkhorni swrwngnairogno saiwi rang yapharkha : CM Dr. Manik Saha
Khatung khajani bisingtwi Tripura kaichar hangkhorni rwng swrwngnairogno eba kaham swrwngnairogno yapharkha rang.
Soi kaham swrwngnairogni hamkrai tei thinango jwngjal kwlaiya wngnano twiwino o yapri naharjakha.
Swkang o sakhwlaijakno rwksawi Agartala Town Hallo swrwng bedek, Tripura haphangni bwkhaktwi kaham swrwngnairogno CM-SATH scheme choil khwlaiwi rwjakha.
O project ni bisingo Tripura hasteni kaichar bwkhasteni saiwi Madhyamik(100) tei kuchuk Madhyamik(100) naharkha jotowi khorok nwira swrwngnairogno khok dokchi sai yapharjakha DBT ni bisingtwi.
A salni pandao rwng bedekni samung tangnairog no khobwi tei kubuni samung tangnairog.
