Tripura Sepahijaka bwkhasteo koklam : CM Dr. Manik Saha
Tripura ni Sepahijala bwkhaste ni hoda rwng swrwngmungno bahaikhe teibo kuchugo tisawi man tei dopha no bahaikhe teibo hamkrai tubuwi man ayang bwkhak naisigwi kaisa nangkukjak yapri eba koklam panda khwlaikha.
A salo o kokno wansugwino Tripura haste haphang tei kendra ni dalbidal project ni bisingo bahaikhe teibo rwng swrwngmungni bwkhak krak yapri naharwi man ayang bwkhak naisigwino yapri naharjaknai hwnwi sakha Tripura ni CM Dr. Manik Saha.
A salni koklam panda tongo amchaini MLA Sushanta Deb no khobwi tei BJP bodolni kubuni samung tangnairog. Abono karwibo tong kosong lukurognobo a salni pandao kwrwngmani nukjakha.
