2nd Foundation Day Khumpui Dance Group hohom dodomkhe panda khwlaikha
Tripura ni Music Industry sak saichung muchungma tei saktharmungni bisingtwino bisi kwdwkma romwi samung tangwi tongo. Abohaikhe bisi brum brum bodolni phanbai thumsakhe samung tangwi tongo Tripura ni mwsakwrwng bodol hwnwi sinijak Khumpui Dance Group.
Khumpui Dance Group 2nd Foundation Day palaikha Agartala ni Rabindra Sata Barshiki Bhawan no. srangsalo belai hohom dodom pandani bisingtwino palaijakha. A salni panda ojama wngwi manjakha Sangeet Natak Akademi Award manjak Tarubala Debbarma, Panchali Debbarma tei Khathansa Production Founder & Director Sharmili Debbarma. Panda o puila ojamarog chati mwswngmani bisingtwino chengwi rwkha mwsamung panda.
Puila Foundation palaimani thangnai bisini August talo no. Phiya taklai kisa dakti khwlaina nangkha tangwi hinkhe chini Group ni baksa baksa mwsanairogni amjokmung tongmani bagwi. Taklai bisio chini jotowi khoroknwichitham(23) mwsakwrwngrog performance khaikha.Chwng tang char mwsamung mwsawi phukha tei aboni bisingo chini Tiprasa ni Traditional mwsamung tei Modern mwsamung akorog hwnwi sakha, Mwsakwrwngrog.
Bwskangni salobo Khumpui Dance Group ni samung tangnairog salaikha thinango teibo kotormakhe yapri naharjaknai tei Tripura haphang eba TTAADC haphang tomung abohai Entertainment ni bwkhak kisa naisikhe belai hamkuknai.
