Puspita Murasing : TTAADC haphangni bukhaktwi GMI 2024 bisini Miss India no kha kaham tei borom yapharkha

Phasalo Khumulwngo tangnok kotorni conference hallo TTAADC haphangni bukhaktwi GMI 2024 bisini Miss India Puspita Murasing no kha kaham tei borom yapharkha. TTAADC haphangni Executive Member, Sports & Youth Affairs, ICA Suhel Debbarma Puspita Murasingni yago Khok rasai rangni cheque yapharjakha.

          Khursathaio kwlaio abohaikhe TTAADC Haphangni bukhaktwi yapri naharjakmungno twiwi tongkosong lukurogno khatungmung tei bolaimung ni kok akorogbo salaikha.

Kha kaham rimao manjakha TTAADC CEM Purna Chandra Jamatia, MDC Uma Shankar Debbarma, Co-operative tangbedekni samung chariphang adong Ananta Debbarma, MDC Debajit Tripura, Habanok chariphang Okra C.K Jamatia no khobwi tei kubuni. 

                Source: TTAADC,KOKTHUM TEI HUKUMU MUKUMU TANGBEDEK.