Aitor Debbarma sabo ? Gala Round ni Theatre Round khorok nwichi ! Tipra Idol Session 2
Bisi brum brum ni haikhe taklai bisi 2025, hainohai TTAADC ICA Department ni bisingtwi Tipra Idol Session-2 yapri naharjakha. Laiwi thangnai nokha salnwi romwi Gala Round paikha eba o tal ni char salmarini simi chuku salmari jora naharjakha Gala Round.
Koktwma no rwksawi Theatre Round tabuk khorok nwichi. Aboni bisingo baksaba theatre round jora, baksaba theatre round no swkangwi thangnai. Abo jorano kok sanai.
Kok wngkha sabo? Bini Khorang Tripura hasteni khoroksa kwchamkuk rwchapkwrwng Lt. Bimal Debbarma ni khorang kosol khe rwchapmung rwchabwi khwnarwkha Tipra Idol Session-2 ni Gala Round o Aitor Debbarma.
A salo Aitor Debbarma Kokborok rwchapmung ni hapharo belai sinijak rwchapmung Khatijak nini bagwi Lt. Bimal Debbarma bai rwchapjak rwchapmung rwbaiwi judges rog ni kha no methebwi rwkha.
Teibo sawi mankha Aitor Debbarma Lt. Bimal Debbarma ni sajwla kusu hwnwi sawi mankha.
Tongkosong lukurog khakalaijak taklai Tipra Idol Session-2 belai naithothok wngnai tei nainani bagwi khatunglaijak.
