Arunachal Pradesh Ziro Festival ringjakha Tripura ni rwchapkwrwng Sadagar Debbarma
Belai omor rakjak khoroksa Tripura kwchamkuk hukumuno romwi narwknai rwchapkwrwng Sadagar Debbarma. Tripura hasteo belai sinimung kotor manjak tei borom bwlai manjak lukuni.
Bisi kwdwkma romwino hukumuno romwi narwgwi samung tangwi tongo bo. Phiya tabuk omor rakmani bagwi aswk phataro nongkhorwi rwchapmani nukjakliya. Haiphano jeswk mansak sakbaithang hukumuno hamjakmani bagwi jora jora phataro nongkhorwi rwchapmung rwchabwino tongo hwnwi sakha rwchapkwrwng Sagadar Debbarma.
Sarinda yago twiwi saichungno jesa pandaphano rwchapbo Sadagar Debbarma.
Khursathai kwlai bini kwbangma rwchapmungni bisingo Jadu hinmale rwchapmung belai sinimung manjak rwchapmung.
Ziro Festival Arunachal Pradesh ni bisingo belai kotorkhe sinimung manjak Festival. O Festival o kwrwngnani bagwi kobokmung manmani bagwi belai khakchangmungni koklambo sakha rwchapkwrwng Sadagar Debbarma.
Teikhaksa bwkhak alaida khwlaiwi Ziro Festival songsamani 2012 bisini simi.
26th September 29th 2024 eba nokha salbrwi romwi Ziro Festival khwlainani bwkhak.
