Indian Idol Winner Session 4 Sourabhee Debbarma khatungjakha panda khwlaiwi
North East Tripura hasteni rangchakni sajwk Sourabhee Debbarma. Bo khoroksa Tripura ni Tiprajwk hasteni mung tei dophano kuchugo tisakha. Jorabai baksa gwdalwi kwbangkuk khwlaiwi Tripura ni phatar hasterogo eba kubuni haa kotorogo kwbangkuk khwlaiwi panda khwlaikukgo hwnwi kokthum. Sal kwdwkmani ulo Tripura o panda khwlaiwi belai khakchangmani kok sakha baithangni social media.
Bo Indian Idol 4 winner simiya. Sana thangkhe Guinness World Record wngjak Indian Playback Singer Sourabhee Debbarma. Abono karwibo bo khoroksa Actress, Director hwnwibo sinijago.
Sal kwdwkmani ulo Tripura hasteo panda khwlaikha. belai khatungmani kokno sakha baithangni social media o tei laiwi thangjak jora ni Tripura ni tamkwrwngrogno muito khwlaimani kokbo sakha.
Nwngsi ani Tabuk o jora Kokborok rwchapmung music video tikhwlaikha. Bwskangni salo teibo kwtal kwtal Kokborok rwchapmung nongkhornai hwnwi kokthum.
