Jadu Kolija Kwmajak rwchapmungno mukumu swnamna bagwi yapri sejak : Dr. Bijoy Debbarma ni chaitokmungbai
Tripura ni Jaduni no rwchapkwrwng Jayanti Koloi ni khuktwi rwchapjak rwchapmung recording khwlaijagwi tongo. Tabukni simi daktino manwi manai daltham berem o. Aborog wngkha Uayinh Khilima, Raibalmani, Hukni mai nakmani akorog.
Sawi mankha o rwchapmung Tripura Playback Singer Milton Debbarma eba Music Director Milton Debbarma Studio Salka Studio Record khwlaijagwi tongo.
Naharmung Research Purpose tei Presevation ni bagwino abohai yapri naharkha hwnwi koktwma. Abono karwibo twidulthani tongo Dr. Bijoy Debbarma, Tripura Playback Singer & Actor Jayanta Jamatia tei Milton Debbarma.
Teibo sawi mankha twrwk twrwk khe Reang, Rupini, Jamatia, Tripura, Noatia, Murasing abotwi juda juda hodarokni rwchabjak jaduni rwchapmungrognobo record khwlaijaknai.
Moyal thwgwino Tripura Jadu kolijani Variation tongo, abotwirogno mwthangsawi tubunani bagwi krakhe chaitogwi tongo hwnwi sakha Social Media o Dr. Bijoy Debbarma.
