Keshab Dey : Tripura Sundori Maa rwchapmung tikhwlaikha tangsalo
Tripura hasteo kwbangma rwchapmung nongkhorwi tongo. Keshab Dey lukurogbai belai popular manjak Tripurishawari mwtaino lobwi rwchapmung tangsa nongkhorkha tangsalo. O rwchapmung jotono Tripura no video shooting khwlaijakha.
Teikhaksa bwkhak o rwchapmung West Bengal Kolkata o joto khwlaijakha. Rwchapkha Indian khoroksa sinijak rwchapkwrwng Keshab Dey. Rwchapmungni kokthai “Tripura Sundori Maa”. Lyricists Somraj Das.
Kokthumno rwksawi, Udaipur Mata Tripurishwari belai kwchamkuk mwtai Tripura hasteni. O mandir Tripura ni Maharaja Dhanya Manikya 1501 bisio songjakmani. Salbrum brumno Hindu tongtharni lukurog aro mwtai rwmani nukjago.
A salo panda khwlaijakha mandir ganani lamao. Tongo Tripura hasteni mantri okra Dr. Manik Saha, rang mantri Pranajit Singha Roy, amchaini MLA Abhishek Debroy no khobwi kubuni samung tangnairog. Abono karwibo a salo lukurogno kwbangkhe kuthumani nukjakha.
