Manoj Debbarma sabo?
Bisi kwdwkma romwi Kokborok Industry o khoroksa athukiri wngkha Manoj Debbarma. Cheraiphuruni simi belai khao muchungma tongmani o hapharo gwdalnani. O hapharo belai khakuwar khwlaiwi samung tangwi tongnai hwnwibo sinijago. Tripura haste o aswk Bollywood ni hai kaham swrwngmung eba phwrwngmung manyaphano sak saichung saktharmungni bisingtwi hayungni lukurogno phunugwi tongo tei borom manwi tongo. Tabuksak jora Kokborok Industry bini Music Video album belai kwbangkukno nongkhorwi tongo. Abono karwibo Kokborok Movies akorog kwbangma nongkhorjak. Films ni bisingo tongo Tongkhor, Tiprasa, Chaitok akorog. Bwskangni salo teibo Music Video album tei tokey nugwi mano. Kwtal tokey ni bisingo tongo Mwkhang, Phakua no khobwi teibo kwbangma. Bo khoroksa Tipura hasteni Tokey mwsakwrwng. Tripura hasteni lukurog bini actingno belaino bolailaio tei hamjakmung rwlaio.
