Mister India Adong Jamatia Tripura ni Tribal Welfare Minister Bikash Debbarma bai malaikha

by Gobin Debbarma - Oct 19, 2024 2:14 PM

Chasalo Mister India 2024 wngjak Adong Jamatia Tripura ni Tribal Welfare Minister Bikash Debbarma bai malaikha. A salo montri ni tangnogo no malaikha bo. 

Bwskangni salo Mister India wngjak Adong Jamatia hayung ha kotor Philippines Mister International kwrwngnani bagwi thangwi tongo. Bini o yapri kaham wngthun tei India no represent khainani bagwi thangthani kotorkuk chasamung manthun hwnwibo sakha Montri Bikash Debbarma.

Khursathai kwlaio Tripura Entertainment o tongnai kwbangkukno sakbaithang chaitoklaiwi haste tei dopha ni mung kuchuk o tisawi tonglaio. Aboni swkangbo Tripura wngwi Mithun Debbarma Rubaru MR INDIA 2022 Winner tei MR TOURISM WORLD 🇮🇳’22 wngjak tongmani.

Adong Jamatia khoroksa Tripura Actor hwnwibo sinimung manjak. Bini music video ni bisingo tongo.

·      Ani Swmai

·      Eko Pali Sarkha

Tripura ni lukurog khakalaijak bwskangni salobo Tripura ni mung tei dophano kwchwng khwlaina wngthun hwnwi.