Nok Ganti Kuna Kokborok kwcham rwchapmung no teisa kwtal khwlaiwi tikhwlaikha : Subash Debbarma
Sangrongsalo kwtal khwlaiwi Tripura belai kwcham rwchapmungno kwtal khwlaiwi teisa rwchapmung tikhwlaikha. Rwchapmungni kokthai Nok Ganti Kuna.
O rwchapmungni puila korang rwnai wngkha Subash Debbarma. Bo baithangno swimani tei khorang swnamani.
O rwchapmungno tabuk kwtal khwlaiwi khorang rwkha tei video khainairog wngkha
Actor : Subhajit Debbarma & Swargasree Debbarma
Singer - Swapan Debbarma & Priya Debbarma
Lyrics & Cpmpose – Subash Debbarma
Music - Tapu Debbarma & Sankar Kalita
Producer - Dilip Debbarma
Cinematography - Khakufur Debbarma
Choreography - George Debbarma
Mua - Amit Debbarma
Kwbangkuk khwlaiwi tabukni o jora kwcham rwchapmungrogno kwtalkuk khwlaiwi tikhwlaiwi tongmani nukjagwi tongo Kokborok Industry o.
Salbrum kaisaya kaisa music video tikhwlaijagwi tongo. Haiphano o music video Actor Subhajit Debbarma belai kaham acting khaimanibo nukjakha hwnwi koktwma.
Lukurog khakalaijak bwskangni salo teibo bahaikhe Kokborok rwchapmungno hayung ha kotoro pirsajagwi man tei Kokborok kokthaino rwchapmungni bisingtwi kwthang khwlaiwi tonidi hwnwi.
