Ranchak Haa New Music Video : Dugwnang Music Company tubuwi tongo naithothok tangsa group song
Dugwnang Music Company kwtal group song Rangchak Haa dakti no tikhwlainani bwkhak thangwi tongo. Belaino naithothok wngnai hwnwi khakalaijak bodolni samung tagnairog. Laiwi thangjak 2023 bisini simi Audio ni samung humung chengjakmani.
Audio ni samungo joto Music Director Suzit Debbarma, Mastering Shankar Kalita, Bass Guitar tongo Binoy Debbarma, Lyricist & Composer Arun Debbarma.
Rwchapmungo tongo Tripura ni playback Singer Arun Debbarma, Bipasha Reang, Gobin Debbarma, Manik Debbarma, Amar Debbarma, Nilima Debbarma, Rumi Murasing. Make up tongo Aju Debbarma tei Sanath Debbarma.
Video Direction o tongo Dugwnang Music Company Team. Music Video location khwlaijakha Tripura ni Montang Valley, Mandwi, Khumulwng. Cinematographer tongo Bhabotosh Jamatia.
Tripura ni Legend Singer Arun Debbarma sakha O rwchapmung bisi kwdwma swkangno ang swikha tei composition khaijak tongmani. Kha khwlaio o rwchapmung chini tongkosong lukurog khwnawi khakchangjaganw.
Singer Gobin Debbarma sakha o rwchapmung ni kokthai belai hilik tei joto world wide no khwnawi manai tongkosong lukurog. Thinango Dugwnang Music Company teibo Music Video nongkhonai hwnwi kha khwlaio.
Singer Amar Debbarma sakha naiwi naiwi naithok nukthok wngnai tei haa no lobwi rwchapmung.
Singer Bipasha Reang sakha chini Sir Arun Debbarma rwchapmung belai haparbai mwchangjak tei gwdaljak. O rwchapmung no norog Audio Streaming Platforms o khwnai manai.
Singer Manik Debbarma sakha Group rwchapmungni bisingo abono ang puila Sir Arun Debbarma ni swijak rwchapmung rwchapkha tei belai khao tongthokma phaio. Bwskangni salo teibo rwchapmung khwnai tei nugwi manai Dugwnang Music Company ni bisingtwi.
Singer Rumi Murasing sakha chwng o video ni bisingtwi Tripura dalbidal dopharogni bisingo thumsakhe tonglaimani aborogno twiwi phunuknani chaitokha.
Singer Nilima Debbarma sakha pal hinkhe sal o kokthai belai nangkukma, abohaikhe chwngbo thumsakhe samung khainai bwskangni salo rwchapmungni bisingtwi.
Koktwma sawi mankha Kokborok Music Industry tabuk twrwk twrwk hayung haa kotor gwnangwi pirsajagwi tongo tei twrwk twrwk rwchapmungni Video joto bwkhaktwino swlaimung phaiwi tongo.
