Recreate Cover song Kokborok Nwngle Ano Pogwi thangkha-Kokborok Playback Singr Biswadevi Jamatia
Achaima Haa Musical Band present by Nwngle ano pogwi thangkha Kokborok Playback Singer Biswadevi Jamatia ni khuktwi kwtal tune o rwchapjak daktino phaiwi tongo. O rwchapmungni Music Director Naithok Jamatia, Mastering & Mixing Naithok Jamatia, Recording Studio Mix Music Record Label, Musicians tongo Naithok Jamatia(Key), Abhi Debbarma(Guitarist), Kripa Sindu Jamatia(Flute) tei Jashua Debbarma(Bass).
Kokborok Music Industry o tabuk twrwk twrwk kwchamkuk rwchapmungno kwtal wansukmung, kwtal Rhythm ni bisingtwikhe kwbangma rwchapmung hayung haa kotorma Bollywood ni rwchapmung pirsajakmahaikhe Kokborok rwchapmungbo pirsajagwi tongo hwnwi sakha Music Director Naithok Jamatia.
o rwchapmung jora kaisao belai khwnathok rwchapmung tongmani. Haste lukurogni ang bwswk joratwi norogni bwkha no o rwchapmungni bisingtwi khakchangmung tei khatungma tubuwi man ayang bwkhak naisigwi eba wansugwino ang rwchapkha tabuk norogni thani hwnwi sakha Kokborok Playback Singer Biswadevi Jamatia.
O rwchapmungni original Kokborok playback singer Aruti Kumar Jamatia. Jora kaisa All India Radio, Agartala o diporni panda khwnana bagwi jotono khunju kaichomlaijak o rwchapmungno khwnana bagwi. Tabuk kwtal achaisongni kokno khorogo wansugwino teisa kwtal khwlaiwi cover song tikhwlaina yapri naharmani hwnwi sakha Musician Jashua Debbarma(Bass).
O rwchapmungni cover video nugwi manai Achaima Haa Musical Band youtube channel o. abono karwibo o rwchapmungno norog Audio Streaming platforms manwi manai. Kha khwlaio o rwchapmungno lukurog yachaksoganw hwnwi sakha Musician Abhi Debbarma(Guitarist)
