Suhel Debbarma tei Apon Debbarma khoroknwi no Tripura Kokborok Music Industry ni kwchwng athukiri
Kokborok Music Industry twrwk twrwk hayung haa kotoro sinimung manwi tongo. Aboni bisingo Kokborok rwchapmung haphar bisi kwdwkma romwino samung tangwi tonglaio kwbangma rwchapmungno hamjaknairog.
Suhel Debbarma Kokborok Music Industry ni khoroksa athukiri. Bo khoroksa Lyricist, Composer tei Singer. Bini kwbangmano rwchapmung swijak tongo tei composition khaijak tongo. Alaida khwlaiwi bini swijak rwchapmungrog Tripura ni kwbangma Playback Singer akorogbo rwchapjak tongo. Aboni bisingo tongo Biswanath Debbarma, Sanjita Debbarma, Sourabhee Debbarma(Indian Idol) akosong.
Apon Debbarma khoroksa Tripura ni Music Arranger, Music Director tei Bass Guitar tamkwrwng hwnwi sinijago. Tripura ni kwbangma rwchapmung bini yaktwi tikhwlaijak tongo eba swnamjak tongo.
Bini swnamjak rwchapmungni bisingo tongo
- Aswk ta kapdi
- Kungkila
- Thop thop watwi kwlaio
- Bwkha Ani akorog
Bollywood Singer Vinod Rathod baibo performance khaijak Apon Debbarma. Alaida khwlaiwi India ni kwbangma thaio performance khaijak tei Bangladesh hayung haa kotoro kwbangma performance khaijak.
Apon Debbarma tei Suhel Debbarma khoroknwino Music haphar ni borok. Phiya tabuk khoroknwino rwngthwng haphar ni. Rwngthwng ni samungo jeswkphano palaiya huilaiya wngthun haiphano jephuru jora mano aphuruno rwchapmungbai gwdalmani nukjagwi tongo.
Tongkosong lukurog khakalaijak bwskangni salo rwngthwngni logi logi rwchapmung hapharnobo teibo kuchugo tisajakna wngthun hwnwi.
