Kharchi Mwtai : Taklai 2024 bisini Theme “Kwkhwrang no Thinang” mantri okra Dr. Manik Saha
Chibrwi Mwtaino kitingwi Tripura Haphangni bwkhaktwi swkangno sakhwlaijak tongma haikheno koktisalni phungo hohom dodomkhe panda khwlaijakha.
Haphangni bwkhaktwi kwcham Agartala Khoyerpurni Chibrwi mwtaio phalnok tei Private phalnok akorogbo achukrwjakha.
Chati sogwi banikno chengwi rwkha Tripura hasteni mantri okra Dr. Manik Saha, chamung bedekni mantri Sushanta Chowdhury, Khoyerpurni MLA Ratan Chakraborty, Ex-TWM Rampada Jamatia, thwng bedekni mantri Tinku Roy no khobwi tei kubuni samung tangnairog.
Pandao mantri okra taklai 2024 bisini Chibrwi mwtai kokbothma wngkha “Kwkhwrangno Thinang”. Tangwi hinkhe chwng o kwkhwrangni nokbar belai nangsugo. Teibo nangkukjak wngkha 5 minute 5 lack buphang bwsa kaikha. Abono karwibo terno kitingwi 15,000 buphang bwsa bakjakha.
