State Level Orange Festival : Tripura Twibaklai Molsom Kami phiyogwi rwkha
Orange Festival taklai bisi ni chengkha Tripura hasteni Twibaklai Molsom Kami. Bisi brum brum no tabuk Tripura haphangbai naikoljagwi khwlaijagwi tongo abohai panda.
A salo hukbar montri Ratanlal Nath sakha agio chwng khwnao Tripura Jampui Hill o simino manthogo abohai Kamala bwthai. Phiya tabuk Tripura ni gana gini amchaini hukbar khwlainairogbo kha thonwi yapri sewi tongo. Thinango haphang teibo yapri naharnai.
Teikhaksa bwkhak TTAADC CEM Purna Chandra Jamatia bwskangni salo chwng bahaikhe teibo yapri krakhe selaiwi man aborogno hukbar khwlainairogbai kwrwnglainai.
Khursathai kwlaio kamala hukbar khwlainairog laiwi thangjak jorao belai jwngjalo kwlaijak phiya tabuk twrwk twrwk jwngjal tongo hinphano kisa misa haphang chubachu khwlaiwi tongo hwnwibo salaikha hukbar khwlainairog.
Pandao manjakha Tripura haphangni hukbar montri Ratanlal Nath, TTAADC CEM Purna Chandra Jamatia, Pathanlal Jamatia, Rampada Jamatia no khobwi tei kubuni.
