Kharchi Mwtai eba Chibrwi mwtai : Tripura ni Bugra molni simino khwlaijago koktisalni simi chengkha nokha salsni bagwi
Koktisalni simi chengkha nokha salsni romwi Chibrwi mwtai eba Kharchi Mwtai kwcham Agartala. Sirisitini raidano rakhogwino o mwtai khwlaijago. Bisi brum brumno tongkosong lukurogno puilani simi paithak jora hohom dodomkhe pandao kwrwngmani nukjago.
Pandani puilani salo Tripura hasteni paithak Maharaj Pradyot Bikram Kishore Manikya Bahadur Debbarma, TTAADC CEM Purna Chandra Jamatia, Tipra Motha Party MLA Brishaketu Debbarma, EM Kamal Koloi no khobwi tei kubuni adongrog.
Mwtai rwbaiwi paiwi Bubagra sakha, Chwng chini Hukumu mukumu tei sirisitini mwtai atairogno pokthai kwrwi. Aborogno pogwi thangkhe belai chaya tei TTAADC haphang dakti o mwtaino naikini khwlainai Chontai , Galemrogni kokno khorogo wansugwi borogno talo 5,000/- khwlaiwi yapharnani announcement khaijak bwskangni salo. Alaida khwlaiwi borogno eba borogni nukhungnobo haphangni sep sab yapharnani kokmang saakha.
Chibrwi mwtaino naiki khwlainairog Chontai tei Galemsong belai khakchangjakha TTAADC Haphangni bwkhak abohai yapri naharjakmani bagwi. Bisi kwdwkma ni ulo abohai yapri naharmano lomsoklaikha.
