Khumulwng Baptis Association : 21st Christmas Banik 2023 hohom dodom !
Tripura ni Khumulwng syndicate(TTAADC) bisi brum brumni haikhe taklaio belai hohom dodom pandani bisingtwi nokha saltham panda songsalaikha Khumulwng Baptis Association. Taklai bisibai philnwichisa bisi Christmas Banik palaijakha. Panda songsanairogni bisingtwi sawi mankha tei nokha salsa panda khwlainani bagwi pholokjakha.
7th, 8th tei 9th o nokha saltham panda tongmani. Pandao dalbidal Church ni rwchapkwrwngrog tei mwsakwrwngrog thangwi mwchangrwo hwnwi koktwma.
Teikhaksa bwkhak alaida khwlaiwi o pandano teibo chwngsarwna bagwi sirisitini Tiprasani kwcham chamung, tei kwchangma molni ri chum akorogbo phaljago.
Kokthum no rwksawi teibo sawi mankha Tripura ni belai sinijak o Christmas Banik no nainani bagwi khathonlaijak bisao waisa bahaikhe khoroksabai tei khoroksa halok bolaiwi man banikni bisingtwi. O halok banikni bisingtwi sotonlaimabo twngsa chwngsasani lam hwnwi baksa baksa khao chongwi naharlaio hwnwi sakha khoroksa Association adong.
Abono karwibo kwchangma molni richum tei chamung phalnairog salaikha, bisa waisa o banik wngo eba khwlaijago hinphano chini bagwile belai nangkukjak. Tangwi hinmale o banikni bisingtwi chwngbo bisao waisale nukhung hamkrai tei hoda hamkraini bagwi samung tangwi mano kisa misa ajimani bisingtwi.
