9th August World Indigenous Day: TTAADC palainano twiwi tiyar wnglaijak
phasalo TTAADC haphangni luajimungbai World Indigenous Day palainano twiwi koklam salaikha. O salno hohom dodom khwlaiwi palainano twiwino yapri naharjakha hwnwi koktwma.
Bisi kwdwma romwino o salno Tripura hasteni kaichar hangkhor o khwlaijago eba palaijago o salno. O salno bahaikhe naithothok khwlaiwi palaiwi man ayang bwkhak naisigwino yapri naharna bagwi koklam salaikha hwnwi koktwma.
Bwskangni 9th August International World Indigenous Day mungsaswk da manwi mano ATMM salka babai hasterog kendra ni bwkhaktwi? koktwma sawi mankha Tripura hasteni 6th schedule eba TTAADC haphang kendra ni bwkhaktwi awaimung manthothok ! tongkosong lukurog khaochonglaijak. Teikhaksa bwkhak sal kisa swkang Tripura ni Maharaj Pradyot tei dol thangwi malaimani Kendrao TTAADC hamkaino twiwi. Babaisa bwkhak Tripura hasteo sal kisa swkangno Kendra ni Minister of Tribal Affairs of India Jual Oram thangwi TTAADC kokbo samani.
Koklam pandao tongo TTAADC CEM Purna Chandra Jamatia, EM Kamal Koloi, EM Suhel Debbarma, General Secretary YTF Lemon Debbarma no khobwi tei kubuni samung tangnairog.
