Bangladesh haa kotor o Tripura ni Bubagra sogwijak
Maharaj Pradyot Bikram Manikya Debbarma thangwi sogwikha Bangladesh Ha kotor o. Swkango sakhwlaijak tongma haikheno kraksalo sogwikha Bangladesh ha kotor o. abono puila Bangladesh ha kotor o thangwi sogwimani Maharaj Pradyot. Jagannath Ratha Yatra ter Bangladesh o kwrwngna bagwino thangmani. Teibo nangkukjak a salo maharaj no naina bagwi eba malaina bagwi lukurog kwbangkhe kwrwnglaikha eba kuthumlaikha. Tripura students forum tei Yuba kalyan sangsad ni adongrogbai koklam salaikha. Next month o Khakrachari tei Sylhet tongnai aroni Tiprasarogbai malainani kok rwkha Maharaj. A salo Iskon hindu tongtharni samung tangmani kokrogno twiwibo koklam salaikha tei Iskon khoroksa borok bo tamo khwlai eba tamo tongtharbai kwrwngjak aborogno naiya. Iskon hayung haa kotor gwnangwi pirsajak, Bangladesh o tongmahai Tripura no khobwi tei dalbidal hayung haa kotor tongo. Ratha Yatra chengnani swkang puila mwtai Maharaj rwui pandano chengwi rwkha.
A salo lukurog bono kha kuphurbaikhe lamsoklaikha. Maharaj ni Logio tongo TTAADC ni EM Kamal Kalai, Runiel Debbarma tei kubuni samung tangnairog.
