Green Energy tei Digital Technology : Bharat-Bangladesh kok khalaimung
Bangladesh PM Hassina chasalo India ni Delhi o thangwi sogwikha. Lamsokha Bharat ni mantri bokhorok Narendra Modi bono. Kwnwi haa kotorni bisingo kaham tangdalno twiwio o yapri.
Kasko Bhavan no PM Hassina no borom rwui teisa kha kaham khwlaiwi lamsoklaiphikha. Abono karwibo kwnwi haa kotorni kok khalaimao kwnwi haa kotornino kuchuk beremni samung tangnairogbo manjakha.
Abohaikhe kwnwi haa kotorni yapri naharmano twiwi kwnwi haa kotorni tong kosong lukurog khatung khajani koklambo salaikha.
Thingnano Green Energy, Digital Technology ni bwkhak kahamkhe yapri senano twiwino kwnwi haa kotorni mantri bokhorokni o malaimung.
Khursathai kwlaio, Swkang kok khajakno rwksawino o samung bwtango yago naharjakmani. Bangladesh Foreign Minister tei Bharat Minister of Foreign minister kok-khalaimano twiwiono o samung bwtang kahamkhe khwlaijakha.
