International Day of the World’s Indigenous People : 9th August TTAADC palaijakha
Phasalo Tripura ni 6th Schedule Area ni TTAADC (Tripura tribal Areas Autonomous District Council) khwlaijakha hohom dodomkhe panda kotor. Taklaini theme wngkha The Role of Indigenous Women in the Preservation and Transmission of Traditional Knowledge.
Bisi brum brumno o sal no borom rwui palaijago hayung haa kotor ni tongkosong lukurog. A salo rally kotor khe khwlaijakha watwini bisingophano Tripura ni ADC amchaio. Rally o kaichuku dopha ni hukumuno twiwi tongnairog kwrwngkha tei rwngnok ni swrwngnairogbo kwrwngkha.
Rally kwrwngkha EM Suhel Debbarma, MLA Swapna Debbarma, MDC Ganesh Debbarma tei Lemon Debbarma no khobwi tei kubuni kuchuk beremni samung tangnairogbo tongo. abono karwibo srisitini hukumu tei rwchapmung akorogbo rwchabwi khatung khajakhe mwsalaimani nukjakha.
