Japan hayung haa kotor o belai watwi waui amang chalaijak tongkosong lukurog
Chasalo Japan hayung haa kotor o belai watwi wamabai jwngjal kwlaijak tongkosong lukurogno hojak khwlaijakha.
Koktwmao sawi mankha khoroksa ni langma chokha tei khorok sni kwmajak hwnwi.
Japan ni Northern Ishikawa region o belai derakoro wngmani nukjakha o watwio.
Nobar twibar bedekni bwkhaktwi koktwma langma chonai ni mangkwthwi Suzu, Wajima tei Noto twisatwikhe kochogwi thangkha.
Teibo sawi mankha nobar twibar bedekni bwkhaktwi jotowi khorok brwichi sai tong kosong lukurogno o watwibai banchirwnani bagwi norjakha krak mwthangmungbai kubuni thaio.
Khursathai kwlaio Japan o abohai jwngjal kotorkukma patimung agi laiwi thangjak salrogobo belai abohai patimung wngjak. Hojak sakhwlaijakha joto bwkhaktwi.
Nobar twibai bedekni bwkhaktwi sawi mankha o watwi wama khwnarogni bisingono thagwi mano hwnwi.
