Modi sakha chwng Indian jesa thaiophano thangdi Mini India jekhephano swnam o
Nokha salnwi bagwi Paris o thangwi sogwikha Indian Prime Minister Narendra Damodardas Modi. Birkhungkhola o bono lamsokha French ni Prime Miniter Elisabeth Borne. President Emmanuel Macron ni ringmungbai thangwi sogwikha India ni PM. India-French o kwnwi hayung haa kotorni hamkrai tei aroni lukurogbai dadak sidakhe koklam salaikha. PM Modi Guest of Honour wngwi Paris ni Bastille Day pandao kwrwngkha. Kokthum, waire waino French thangjak tei kwnwi haa kotorni hamkraini kokno twiwi koklam salaijak tei thinangobo khwlaijaknai samung humungrog. Phiya taklai French o thangmani belai nangkukjak. Kokthaisabai sana thangkhe French ni National Day belai kotorma pandao kwrwngwi tei khachangjakha Modi. French ni lukurognobo French ni National Day no twiwi kha kaham tei tongkwchangni boyar sibsawi teibo hamkrai phaina wngthwng hwnwi kok sakha Modi. O kwthalaimung belai bisingoni kok tongo tei belai wanamasinsa. Abono karwibo India tabuk G20 President hwnwibo sawi khwnarwkha Modi.
