Nokha salba ni bagwi India sokphaikha Maldives President : Dr Mohamed Muizzu
Koktisalo sairigo Maldives President eba Kasko Dr. Mohamed Muizzu India o sogwikha. Khatungkhajani bisingtwi lamsoklaikha kwrwngjak bedekni samung tangnairog. External Affairs Minister Dr S Jaishankar baibo malaianw hwnwi koktwma.
Maldives Kasko nokha salba India o thangmani dalbidal kokmangno twiwi. Teibo sawi mankha Kasko no India ni Rashtrapati Bhawan bono borom yapharanw teini salo.
Teikhaksa bwkhak sawi mankha India PM Narendra Modi bai malaianw tei baniya ni rangthong no bahaikhe teibo chwngsarwui man aborogno twiwino kok khajaknai hwnwi koktwma.
India President Droupadi Murmu malaianw Maldives President. Abono karwibo Bengaluru tei Mumbai akorogbo berai nainani kok.
