Nokha salnwi ni bagwi thangwi sogwikha India Prime Minister Narendra Modi, Russia 16th BRICS Summit
16th Brazil, Russia, India, China tei South Africa(BRICS) Summit o kwrwngnani bagwi India Prime Minister Narendra Modi thangwi sogwikha nokha salnwini bagwi. Panda kotor wnganw Russia ni Kazan o.
Koktwmao sawi mankha dalbidal kokmangno twiwi eba ha kotor bahaikhe teibo hamkrai tubuwi man ayang bwkhak naisigwino yapri naharnani kokbo salaianw hwnwi koktwma.
Tei alaida khwlaiwi dalbidal jwngjal tongmani kokrogbo salaikha. Jwngjal tongmarogno bahaikhe hakchal khwlaiwi man aborogno twiwibo kok salainani koktwma swrai swrai.
Teibo sawi mankha Russia President Vladimir Putin baibo koklam salainani koktwma India Prime Minister Modi.
