Tripura Royal Family Maharaj Pradyot Bikram Manikya Debbarma: Chini Connection tabuk ni simiya bisi kwdwkma swkangno halok tongo?
Swkango sakhwlaijakno rwksawi Tipra Motha party ni wngwi Tripura ni Sabroom amchaio khwlaikha Rally kotor. Kokmang wngkha a salni rally ni bisingtwi Bangladesh haa kotoro tong kosong tongnai Hindu, Christian, Tiprasarogni sakao chakurubjakmano mwthaknano twiwino o yapri.
A salni pandao lukurogno kwbangkhe kuthumani nukjakha.
Bangladesh PM Sheikh Hasina ni haphang kwmamani ulo abono puila Tripura(India) Tipra Motha Party abohai kotor rally khwlaijago hwnwi sakha Maharaj.
A salo Tripura ni Maharaj Tipra Motha Party Founder wngwiya, Bo a salo Tripura ni Royal Family ni wngwi kok narwkha. Bisi snichi swkang Brahmanbari, Komilla, Khagrachari, Chittagong no khobwi kubuni thairogbo Tripura ni Maharaj naikolmungo tongmani hwnwi sakha Maharaj Pradyot.
Abono karwibo alaida khwlaiwi India Govt abono twiwi dakti yapri naharthai tei nahardi hwnwi sakha Maharaj.
A salni rally o tongo Tipra Motha Party ni adong okrasong tei kaichar hangkhorni Tripura ni tongkosong lukurog.
