U.S. President Joe Biden satung jora samung tangnairogni bagwi yapri naharnani kok rwkha
O jora hayung gwnangwi satung tungmani bangrwk bangrwk nukjagwi tongo. U.S. President Joe Biden ayang bwkhak naisigwi samung tangnairogni bagwi mwthangmung rwnani khorangbo tisakha.
U.S. President Joe Biden sangrongsalo khamwi thangma Phoenix tei San Antonia aguli tongnai lukurogni kokno khorogo wansugwi borogni manthai eba mwthangmungni kokno twiwibo koklam sakha.
Sangrongsalo baithangni social media U.S. President Joe Biden sakhwlaikha o tungma samung tangnairogni bagwi borogni manthai tongmani aborog jotoni Lobour code ni Federal law ni bisingo wngna nangnai. Chini samung tangnairogno birmani yakni kakrwna nangnai.
Abono karwibo U.S. President Joe Biden Labor secretary Juile Su no swrai swraikhe sakha o satung tumungno twiwi hojak sakhwlainani bagwi teibo sakhwlaikha U.S. Forest Service bisingtwi buphang kainani bagwi $1 billion rwnani.
