West Bank City Tulkarm Israel Airstrikebai khorok chichar langma chokha : patimungno twiwi naslema khorang tisakh UN
Israeli Airstrike bai langma chokha khorok chichar borokni. O patimungno twiwi amang chalaijak aroni tongkosong lukurog. Atomsa abohaikhe tangwi patimung patina nangkha abono twiwibo kok achaijak?
Koktwmao sawi mankha o patimung West Bank City ni Tulkarm. Palestinian Health Ministry o patimung eba langma chomano twiwi gosiwi naharkha. Tulkarm khungsa cafe o borok kwbangma bathakma thaio eba café o bathakjak kwbangma borok tongwi tongmani. Ah thaiono o patimung.
Palestinian Authority bai news agency Wafa ni bwkhaktwi koktwma, teibo langma chowi mano hwnwi. Baksa baksa no sakhamnogo tabukbo sak nairwjagwi tongo.
United Nations o patimungno twiwi chajakya wngma kokno tisakha.
