World Tourism Day : Tripura Tourism bedekni luajimani bwkhaktwi Agartala Rally
27th September World Tourism Day. Bisi brum brum o salno hayung haa kotor gwnangwi palaimani nukjago. Abohaikhe Tripura hasteobo o salno rwksawi nokha salbrwi ni bagwi kotorma panda songsajakha. Srangsalni phungo Agartala bubagra ni thai Nuyungma bwskang ni simi Rally kotorma khwlaikha.
A salni rally kwrwngkha Tripura ni Beraikhiri mantri Sushanta Chowdhury. Panda chengnani swkang puila Nuyungma bwskangni kham akorog tamlaiwi pandano chengwi rwkha mantri.Rally bugrakhor Agartala ni juda juda lamatwi him botok himlaikha. Paithago paikha Heritage o rally.
Kokthum no rwksawi Tripura haphang aboni swkangbo kwbangma koktwma thumnairogni panda khwlaiwi sakhwlaijak. Bwskangni salo Tripura haphang Tripura ni beraikhiri thai no bahaikhe hayung haa kotor ni duglam o sogwirwui man ayang bwkhak naisingwino yapri naharjaknano twiwi.
A salo beraikhri mantri Sushanta Chowdhury sakha, Tripura haphang jeswk mansak samung tangnai tei thinango rang ri hamkrai ni bwkhakbo belai kotorma ajimari hwnwi sakha beraikhirini mantri. Rallo tongo mantrino karwi beraikhiri bedekni kuchuk beremni samung tangnairog.
