Jotoni bodolni batainairogno bakthangni bodolno kwpali khwlainano twiwi hor sal hinyawi samung tanglaimani nukjagwi tongo ADC Electionno kitingwi. Abohai mangpilino nukjakha agartalabai kisa sampa hwnwino sinimung manjak kami Banik Chowmohany.
Sanja bwkhak pandao kwrwngwi mwchang Runiel belai khakuphurbaikhe dalbidal bodol yakarwi phainairogno lamsokha.
Joiningo tongo kwbangma voters. Bwskangni salni 12th April elctionno tiprasa jora simisi naisingjak, kwplai wngnai Tipra Motha Partyno.
Koktisalo Agartalani Banik chomohany amchaio tongkosong tongnai lukurog belai kha kaham tei bisi kwdwk romwni haphangni sep sabni hakchal wngjak. O amchairogno tabukni simi joto mansak chubachuni yak pholoknai hwnwi sakha TMP Partyni batainai Runiel Debbarma.
