International Yoga Day
International Yoga Day no rwksawi Tripura bisi brum brumni haikhe taklai bisiobo hohom dodom khwlaiwi pailaima nukjakha. abono karwibo Tripura hasteni kaichar hangkhoro dal bidal pandani bisingtwi o panda eba o salno palaijakha. o salno twiwi panda kotor Hapania International Fair Ground o khwlaijakha. A salni panda kotoro kwrwngkha Tripura hasteni CM Dr. Manik Saha, haste haphangni kuchuk beremni Secretary no khobwi kubuni samung tangnairog. Hapania panda kotoro kok narwkna thangwi Tripura hasteni montri okra Dr. Manik Saha sakha tabukni cherairog eba swrwngnairog Yoga no twiwi kebo aswk saktharnai kwrwi eba saktharmanibo nukjakya. Borog porimani logi logi khaksa bwkhak Laptop, Computer o simi naichomlaiwi tongo. o swrwngnairogno kiphilwi tubuna bagwi kami sijak nukjakrog eba buma buphasong yapri sena nangnai. Haikhe sak kaham tongnai.
Tei khaksa bwkhak montri okra Yogani bisingtwi dalbidal bemar tongmarog hakchal wngwi manai. aborog wngkha Diabetes , Heart tei kobor suluk wngma bemarog hakchal wngwi thango. Alaida khwlaiwi Tripura hasteni Tiprasa Hamkrai montri Bikash Debbarmabo International Yoga Day palaikha. a salo Maharani rwngnokni swrwngnairog tei buma buphasongno logio twiwi o salno palaikha.
Khursathai kwlaio International Yoga Day no twiwi nokha talsa swkang no hasteni dalbidal thairokgo abono samung charwna bagwi jaijai khwlai phwrwngmung rwjakmani. O nangkukjak salno kwrwng kwrwng thaio haste hapang ni montri MLA tei 6th sechdule area eba TTAADC ni bwkhaktwi bo oh salo palaikha.
