Hukbar khwlaiwi bwthai thairwmabai simi chukya, nango kaham baniyani hati – Agriculture Minister Ratanlal Nath
Tripura haphang tabuk hukbar khwlainairogni bagwi dalbidal sep no naharwi yapri sewi tongo. O samung bwtangno chasarwna bagwi kami amchaini tongkosong lukurogno teibo bahaikhe kaham samung rwui man aborogno twiwibo samung humung tangwi tongo hwnwi koktwma.
Tripura haphangni hubar bedekni bwkhak Tripura hasteni Sepahijala hangkhorni Takarjala hatio kaisa Primary Rural Marked phiyogwi rwkha phasalo hukbar montri Ratanlal Nath.
Phiyokmungni pandao kwrwngwi montri Ratanlal Nath, hukbar khwlaiwi bwthai-athai thairwkhe simi chukya, nango abono samungo thepawi baniyani hatirogbo.
Khursathai kwlaio, 2018 bisini simi yapri sewi tabuksak jora kwrwng charchidok hati hamkraini yapri eba samung tangjakha.
Takarjala hatini Primary Rural Marked o mwikwthwng-thaikwthwng twlangwi phalwi manai tei dalbidal hatini twlangwibo phalwi manai. Aboni bisingtwi kaham kobolmung kwlainai hwnwi khakajak montri.
Pandao manjakha Takarjala MLA Biswajit Kalai, Manab Debbarma, EX-MLA Birendra Debbarma, Jampuijala agri. Sub division ni adong Bhaskar Debbarma no khowbi tei kwrwngjak bedekni kubuni samung tangnairog.
