Tripura Solar Village hwnwi sinijakmung wngnai ! Mohanpur Rangachhara kami
Molbai kitingwi eba molbai gothogwi juda juda tangbedek yapri naharwi samung tangwi tongo tei khwlaiwibo tongo. Kok wngkha Solar Village. Puila Tripura hasteo Solar kami hwnwi sinijakmung manai hwnwi social media sakha Hukbar montri Ratanlal Nath.
Solar ni bisingtwi Rangachhara ni khung dokra nukhung chwng pherangni sep naharwi manai.
Teikhaksa bwkhak alaida khwlaiwi chwng pherangni bill rwnanibo aswk nangthaliya. O project ni bagwi kami amchaini tongkosong lukurogbai tamo jwngjal tong tei alaida samung tamorog khwlaiwi man aborogno swngkha montri.
Khursathai kwlaio bwskangni salo Tripura ni kai char hangkhorni bwkhaste beremo Solar ni sep akorogbo yapharjaknai.
A salo montrini logio tongo hangkhorni kuchuk beremni samung tangnairogno khobwi tei kubuni alaida samung tang kwrwngrog.
