Sachindranagar beraikhiri : Jirania amchaio kwtal beraikhiri nugwi manai tongkosong lukurog daktino
Image Source: Social Media
Tangsalo kaisa pandani bisingtwi sal kolokma romwi naisingma holongthong kaijakha Jirania amchaini bisingo khobjak Sachindra nagaro phiyokjaknai. Tei bisiknwini yagulono tongkosong lukurog o naithothok beraikhiri manwi manai hwnwi koktwma.
A salni pandao holongthong phiyokna swkang mwtai rwuino chengjakha tei amchaini lukurognobo kwbangkhe nukjakha.
Pandao minister Sushanta sakha, aro kubui wansukmungni bisingtwi thai rwnairogno kha kaham yapharkha. Thinango teibo kaham hamkrai wngnai tongkosong lukurogni hwnwibo sakha.
Alaida khwlaiwi CM sakha Tripura ha kotorni bisingo ulnwi thaio tongo, bwskangni salo puila thai swnamnai norogbaii chwngbai joto pal baksakhe.
Pandao manjakha tourism bedekni samung tangnairogno khobwi tei kubuni.
