TTAADC Super League Football Tournament Khumulwng Stadium khwlaijaknai sakha EM Suhel Debbarma
Swkango sakhwlaijak tongmano rwksawi TTAADC haphangni bwkhaktwi puila kotormakhe Super League Football Tournament yapri naharnano twiwi koktwma thumanirogni panda khwlaikha TTAADC Head Quarter o.
Phiyokmung ni panda December talni sni salmarini simi. A salo pandao sabo tongnai tongya abo kahamkhe sawi manyakhu hwnwi koktwma.
Jotowi team tongnai A 5 Team tei B 5 Team, Jotowi 10 Team wngnai. Jotowi 23rd Match wngnai . Tripura o abono puila wngnai joto tongkosong lukurog Live Football Match naiwi manai. Joto Delhi ni bwkhak kok sanairog tongnai.
O thwngmungni bisingtwi bahaikhe Tripura TTAADC amchaini bisingo thwngkwrwng eba huijak thwngkwrwngrongo tongnairogno bwskangno tubunani tei hayung ha kotoro pirsanano twiwino o yapri hwnwi sakha TTAADC CEM Purna Chandra Jamatia.
Chenphano kaham player no saiwi naharjaknai. TTAADC haphang naiwi tongo kaisa kaham team swnamnani thinango.
Nokha taltham ni ulo Final Match naiwi manai eba nugwi manai tei talbrum no player no tangrangbo yapharjaknai.
Koktwma thumanairogni pandao kai chi bodolni dress akorogbo phunukjakha.
A salni pandao manjakha TTAADC CEM Purna Chandra Jamatia, Sports bedek ni EM Suhel Debbarma no khobwu tei thwng bedekni kubuni samung tangnairog.
